Հայ կրթական հիմնարկության (ՀԿՀ) Հայաստանի կրթաթոշակային ծրագիրը տրամադրում է չորս տարվա կրթաթոշակներ այն ուսանողներին, ովքեր հայկական ծագում ունեն (Հայաստանից կամ Սփյուռքից) և սովորում են Հայաստանի բուհերում՝ բակալավրում կամ մագիստրատուրայում։

​

Կրթաթոշակները կտրամադրվեն ուսման վարձի 90%-ի չափով, առավելագույնը՝ 720,000 ՀՀ դրամ սահմանաչափով, առաջիկա ուսումնական տարվա համար։ Կրթաթոշակները տրամադրվում են ՀԿՀ-ի կողմից նախապես  ընտրված համալսարաններում և մասնագիտություններով սովորող ուսանողներին, հատկապես STEM (բնագիտություն, տեխնոլոգիա, ճարտարագիտություն և մաթեմատիկա) ոլորտներում։

​

Կրթաթոշակին դիմելու համար ուսանողները պետք է ունենան բարձր առաջադիմություն՝ առնվազն 75% միջին գնահատական և դիմելու պահին ներկայացնեն ընդունելության հաստատում Հայաստանի պետական բուհերից մեկից։ Դիմելու համար անհրաժեշտ է նաև համայնքային ծառայության փորձ, իսկ կրթաթոշակը պահպանելու համար՝ առնվազն 120 ժամ կամավորական աշխատանք կատարեն։ Մագիստրատուրայի ծրագրի համար ուսանողները պետք է կրկին դիմեն։

​

ՀԿՀ-ն ակնկալում է, որ կրթաթոշակառուները հաջողությամբ կավարտեն իրենց ուսումը, կընդգրկվեն աշխատաշուկայում, կաջակցեն իրենց ընտանիքներին և կնպաստեն Հայաստանի տնտեսական, հասարակական, մշակութային և բարոյական զարգացմանը։