Հայ Կրթական Հիմնարկությունը նշում է իր 75-ամյակը

Press Release

Հայ Կրթական Հիմնարկությունը նշում է իր 75-ամյակը

Հայ Կրթական Հիմնարկությունը հպարտությամբ հայտարարում է իր 75-ամյակին նվիրված գալա-երեկոյի արտակարգ հաջողության մասին, որը տեղի ունեցավ 2025 թվականի սեպտեմբերի 7-ին Բևեռլի Հիլթոն հյուրանոցում: Միջոցառումը, որի տոմսերը ամբողջությամբ սպառվել էին, ընդունեց մոտ 600 հյուր և հավաքեց աննախադեպ 1.1 միլիոն դոլար՝ ի աջակցություն ՀԿՀ-ի առաքելության՝ ամբողջ աշխարհում հայ ուսանողների կրթական կարիքներին ծառայելու համար:

Գալան պարգևատրեց չորս նշանավոր անհատների, որոնց առաջնորդությունն ու տեսլականը մնայուն հետք են թողել կրթության և ընդհանուր առմամբ հայ համայնքի վրա․ Ռուբեն Վարդանյանին և Վերոնիկա Զոնաբենդին (կրթական տեսլականի մրցանակ), Վահե Հակոբյանին (Ակնառու ծառայության համար մրցանակ) և դոկտոր Ս. Լ. Մաքս Նիկիասին (կրթության ոլորտում գերազանցության մրցանակ): Երեկոյի ընթացքում հյուրերը հուզմունքով լսում էին ազդեցիկ պատմությունները և ներշնչվում պարգևատրվող անձանց կրթությանը և մշակութային առաջընթացին նվիրվածության անսասանությամբ։

Ծրագիրը վարում էր «Էմմի» մրցանակի առաջադրված դերասան և փաստաբան Գրիգոր Զարյանը։  Նրա ներկայությունը ջերմություն և էներգիա հաղորդեց միջոցառմանը, իսկ նրա անձնական կապը կազմակերպության հետ հարստացրեց երեկոն։ Ծրագրի մշակութային հատվածում հանդես եկավ ճանաչված հայ երգչուհի Նունե Եսայանը՝ ներկայացնելով սիրելի երգերից կազմված անմոռանալի համերգային հատված, որը հյուրերի կողմից ընդունվեց մեծ ոգևորությամբ և դարձավ երեկոյի գունեղ ու արվեստով լեցուն ընդգծումներից մեկը։

«Հայ Կրթական Հիմնարկության 75 ամյակին հասնելը այսպիսի մեծ աջակցությամբ և՛ խոնարհեցնող է, և՛ ոգեշնչող», –ասաց գալա-կոմիտեի համանախագահ Սանդրա Կալեմկիարյանը։ «Հավաքագրված 1.1 միլիոն դոլարը անմիջապես կուղղվի կրթաթոշակային ծրագրերի ամրապնդմանը, STEM կրթության ընդլայնմանը և նոր հնարավորությունների ստեղծմանը հայ ուսանողների համար՝ Հայաստանում և սփյուռքում։ Այս հաջողությունը մեր համայնքի միասնության և կրթության զորության լավագույն ապացույցն է»։

Բարեգործական երեկոյի ողջ հասույթը կուղղվի ՀԿՀ հիմնական ծրագրերին՝ ապահովելով կրթաթոշակների երկարաժամկետ աճը և նորարարական կրթական նախաձեռնությունների զարգացումը։

Gala Co-Chairs Diane Cabraloff, Sandra Kalemkiarian & Gina Felikian; AEF Board of Directors

ՀԿՀ-ն իր խորին երախտագիտությունն է հայտնում պատվավոր հյուրերին, հովանավորներին և մասնակիցներին, որոնց առատաձեռնությունն ու նվիրվածությունը հնարավոր դարձրին այս կարևորագույն միջոցառման կայացումը: Գալայի հաջողությունը ոչ միայն պատվեց կազմակերպության 75-ամյա ժառանգությունը՝ հայկական կրթությունը զարգացնելու գործում, այլև հիմք դրեց դրա շարունակական աճին: Այս նշանակալի երեկոյի նոր թափով ՀԿՀ-ն հետագա 75 տարիներին և հաստատ դրանից էլ անդին շարունակելու է իր անհողդողդ հանձնառությունը՝ հզորացնելու հայ ուսանողների սերունդներին։

Լրացուցիչ տեղեկությունների համար այցելեք՝ www.aef.org։