ՀԿՀ-ն պատվում է Ռուբեն Վարդանյանին և Վերոնիկա Զոնաբեդին

Հայ կրթական հիմնարկությունը  իր 75-ամյակի գալայի ժամանակ  կպարգևատրի Ռուբեն Վարդանյանին և Վերոնիկա Զոնաբենդին կրթական տեսլականների մրցանակով:

Ռուբեն Վարդանյանը և Վերոնիկ Զոնաբենդը UWC Դիլիջանի Samsung Lab-ում

Հայ կրթական հիմնարկությունը  իր 75-ամյակի  գալայի ժամանակ սոցիալական ձեռներեցներ և կրթական առաջնորդներ Ռուբեն Վարդանյանին և Վերոնիկա Զոնաբենդին կպարգևատրի հեղինակավոր կրթական տեսլականների մրցանակով: Միջոցառումը տեղի կունենա Բևեռլի Հիլզ Հիլթոն հյուրանոցում 2025 թվականի սեպտեմբերի 7-ին: Վերոնիկան ներկա կլինի իր և ամուսնու անունից մրցանակը ստանալու համար: Ցավոք, վերջին երկու տարիների ընթացքում Ռուբենը գերության մեջ է եղել Բաքվում՝ Արցախին իր աջակցությանը և ծառայությունը մատուցելու պատճառով: 

Ռուբեն Վարդանյանը և Վերոնիկա Զոնաբենդը  կպատվվեն համաշխարհային կրթության մեջ իրենց փոխակերպող ներդրման և UWC Դիլիջանի՝ Հայաստանի առաջին միջազգային գիշերօթիկ դպրոցի հիմնադրման գործում ունեցած կարևոր դերի համար: Նրանց ղեկավարությամբ UWC Դիլիջանը դարձել է միջմշակութային ուսուցման և համաշխարհային քաղաքացիության առաջատար կենտրոն՝ օգնելով Հայաստանին առաջ մղել համաշխարհային կրթական դաշտի առաջատար դիրքերում:

Հիմնադրվելով 2014 թվականին, UWC Դիլիջանը մարմնավորում է Միացյալ Աշխարհի Քոլեջներ շարժման առաքելությունը՝ «Կրթությունը դարձնել մարդկանց, ազգերին և մշակույթներին միավորող ուժ՝ խաղաղության և կայուն ապագայի համար»։ Խորհրդի նախագահ Զոնաբենդի և Վարդանյանի ղեկավարությամբ հաստատությունը կրթել է 125 երկրներից ուսանողների և վերափոխել Դիլիջանի տնտեսությունը՝ ստեղծելով ավելի քան 2000 տեղական աշխատատեղ և խթանելով համայնքի ներգրավվածությունը կրթական և սոցիալական նախաձեռնությունների միջոցով։

Վարդանյանի և Զոնաբենդի բարեգործական ջանքերը տարածվում են UWC Դիլիջանից այն կողմ։ Միասին նրանք հիմնադրել են RVVZ ընտանեկան հիմնադրամը, IDeA բարեգործական հիմնադրամը և Scholae Mundi հիմնադրամը՝ կենտրոնանալով կայուն զարգացման և գլոբալ կրթական նախաձեռնությունների վրա։

Ռուբեն Վարդանյանը մեծ ազդեցություն է ունեցել  Հայաստանի սոցիալ-տնտեսական զարգացման վրա այնպիսի նախագծերի միջոցով, ինչպիսիք են «Ավրորա» մարդասիրական նախաձեռնությունը և «Հայաստանի գիտության և տեխնոլոգիաների հիմնադրամը» (FAST): Նա բազմաթիվ միջազգային մրցանակների դափնեկիր է կրթության և համայնքի զարգացման գործում իր ներդրման համար, այդ թվում՝ AIB նախագահական մրցանակը և «Common Ground» մրցանակները։

Վերոնիկա Զոնաբենդը եղել է կրթական բարեգործության շարժիչ ուժ։ Նա 2014 թվականին պարգևատրվել է Բարեկամության շքանշանով Հայաստանի նախագահի կողմից, իսկ 2024 թվականին՝ Հայ կանանց միջազգային ասոցիացիայի (AIWA) կողմից՝ Հայաստանի կրթության ոլորտում իր նշանակալի և շարունակական ներդրման համար։

Տոմսերի և 75-ամյակի գալա միջոցառման մասին լրացուցիչ տեղեկությունների համար այցելեք https://www.aef.org/ կամ կապվեք aef@aefweb.org էլեկտրոնային հասցեով։

UWC Dilijan Class of 2024 / UWC Dilijan Campus